Ахир мен ҳам бир вақтлар, Бўлгандирман жуда ЁШ. Етмай қолса кулчача, Йиғлаб, тўккандирман ЁШ. Менга жуда ёқарди, Фасллар ичидан ЁЗ. Лекин, хеч ҳам ёқмасди, Дарсингни қил, деса ЁЗ. Дадам, ойим айтарди, Ўйнашмагин ЎТ билан. Молни эса боққин сен, Янги чиққан ЎТ билан. Узоқдан маъради-я, Ўтовдаги барра ҚЎЙ, Сув бергин-а, ҳой бола, Ўйинингни, бироз ҚЎЙ. Сувни олиб челакка, Имилламай, тезроқ ЧОП. Уйга келиб, сен бола, Кетмон олиб, ерни ЧОП.